؟؟عادات أم تقاليد عندنا أم !!؟؟

السلام عليكم.....
أشياء جميلة تحصل بحياتنا..منها ما هي عادات وتقاليد ومنها ماهي أسلوب فقط للتعبير.. أوتكون هكذا لانستغنى عنها؟؟وهناك أمور كثيرة تحصل بحياتنا اليومية ونحن أخذناها عادات لا أقل ولا أكثر!!
ومتى نستطيع أن نتخلى عنها أو نتركها أو نفعل منها الشيء البسيط متى؟؟
ومن هذه العادات التي نلاحظها بكثرة ودوم والتي عادة ما لها أي داعي وللأسف لا نستخدمها عند الضرورة بل هكذا مزاج؟؟ ولا لأهميتها أظن لكن هيك تعودنا؟؟
ومن عادتنا السيئة التي أحببت أن أكتب عنها اليوم وهي..((.قصة الزمامير..أو الزمور.)).بداعي ودون داعي........!!!!!!!!!وأتمنا أن نكون أكثر مصداقية بجوابتنا وردودنا لما سأكتبه اليوم عن هذه العادة السيئة جدا"التي تحصل بكثرة ودوم دون مراعاة مشاعر أو أحاسيس أحد...
تعودنا. وتعودنا وعودنا أنفسنا...أن أحد منا حب يفرح بأبنه و راح يجبله صيغة وذهب وكم أسوارة ووو ..بنزمر...وبنصرع الشوارع باالزمور؟
&&وأن عملنا عرس أو ماعملنا أي بفرحة أو غيرها......بنزمر...
&&وأن نجح أحد أولادنا باالتاسع او البكالوريا..أو جاب شي كم علامة بنفرح بيه..و.بنزمر...
&&وأن أتى الحجاج من بيت الله تعالى..بنزمر وبنصرع الدنيا باالزمامير والطبول..وبنطيرلهم حجتهم..قال شوعما نزمر فرحانين بعودتهم..
&&وبعدما بتفتح أشارة المرور وأمام الشرطي.صار بدي نمشي.. بنزمر...
&&.وأن أحد دوبلنا أوكسر علينا با الغلط لنفهمه غلطه يابعدي...بنزمر....هي أشارة يعني فهام علي
&&وقت أنصراف البنات من مدارسهم ياعين ..بنزمر وبنصرع الدنيا بصوت زمورنا.ومابنعود ندري بحالنا لتشوف رفيقتي او صديقي أو لألفلت أنتباه البنات الي..بنزمر وشو زمور؟؟!!!

&&وأذا كانت بنت أو ست باالشارع شو بنعمل..موبس بنزمر..لا والله بنصير نروح ونرجع ونعلي صوت الكاسيت وبنحكي كم كلمة بنشلفهم شلف ووكمان بنزمر..وبنضحك...!!وبنخلي الي ماانتبه ينتبه للي عما يحصل؟؟
&&وأن كنا باالشارع ووسط النهاروالناس نايمين وقت قيلولتهم واستراحتهم...بنزمر وكأنه معنا رتبة عالية بهل الشي هههه وماحدا سامعنا بنقول هات لنزمر كم زمور ما دام العالم نايمين..؟؟
&&وأن شفنا أحدأقاربنا أو أصدقائنا وحبينا نرمي السلام عليه ...بنزمر وبنقله مرحبا باالزمور!!هو بيعرف علينا..شو بدها الشغلة يعني؟؟
&&وكله كوم وهاد كوم تاني..أن فاز احدهم بمباريات أو فاز أي فريق بنحبه..بنزمر..وبنصرع الدنيا والحارات با الزمامير وكأنه عاملين شي مهم وله هدف ومعنى بنزمر مشان تكمل فرحتنا..ولو..
&&وياعيني ويافرحتي أن كان أحد منا بحب شي مطرب أو مطربة وفازوا أو طلعوا بشي برنامج بنحب نشاركهم فرحتهم ...بنزمر..شو قليلة لا والله يوه؟؟ بدهم أكتر من الزمور..وبنزمر وبنزمر
&&والطامة الكبرى وقت بنزمر..لما بنمر من أمام خيمة عزاء وقد توفى عندهم شخص..مابنستنا لنبعد قليلا" لا بل بنحط ايدنا على الزمور..وبنزمر..وما بنحس بشعور غيرنا الي عنده ألم وحزن لما فقد؟؟
&&و أن مررنا من جنب المشفى مابنقدر أن هناك مرضى ربنا يعينهم..لايستطعون سماع أي صوت..بسب مرضهم..لا بل بنزمر وبنزمر؟؟
&&وكله بهون لما أحد الشباب بيقعد يعمل معلمية وبده يدوبل على رفيقه..ويله أن لم يفتح الطريق له..بيزمر والكل بيصيروا يزمروا معه دون معرفة السبب...المهم ..نزمر........وبنزمر
&&وياعين أن أحد منا أبوه أو أخوه جايب سيارة جديد كيف بدي أخلي رفيقي يعرف..بمر من جنب بيتهم وبصير أزمر...وبنزمر؟؟
&&وبنزمر بااليل أو نهار المهم نزمر وبس؟؟
**لاأظن والله أنها عادة أكتسبنها لالا بل هي ظاهرة ومن المظاهر التي نعيش بها؟؟متى بدنا نقول كلمة حق وصدق بشي غلط ومانه محبذ ولا مرغوب فيه بمجتمعنا؟؟ليش دائما"بنقول مادخلنا وماخصنا يصطفلوا شو بدي بوجعة هل الراس وبعيد عن الشر وغنيله؟؟ليه مانهدي شبابنا وبناتنا وكل منا نكون يد واحدة..والي عنده الصح نكتسبه منه..؟
ليه ماننشأ جيل الغد جيل صالح بعيد عن المفاسد والمظاهر وووو..ليه وليه...ولة بس بدنا نزمر؟؟وخلص...والله كتبت شي من واقعنا ألي بنعيشه وماجبت شي من عندي..وكلها أمور تحصل معنا وبنعيشها كل يوم........وأسف للأطالة ولكن بدنا حل وأقناع لما يحصل معنا..ولنا وليه..بنزمر هههههه وتقبلوا ماكتبت بروح طيبة وتحياتي لكم...........
****************

بــــــــــــــبـيب


مشكورة امانات على الموضوع الجميل



تقبلي مروري

يعني معقول اقرا هيك موضوع وامشي بدون ما زمر

مارح تعضو ط بنوب مستعجل وبدي ازمرررررررررررررررررررررر

بالفعل هيك موضوع بيستاهل انو نزمر ولوووووووووو

مشكوووووورة امانات ولوووووووووووو لا بد من انو ازمرلك بالموضوع ولا بعدين بتروح فائدتو ولووووووووو

انا من جهتي جبت لبنتي هي وصغيرة زميررررة ومع الايام جبتلها لعب كتير وبعدها محتفظة بالزميرة وباقي الالعاب اتكسرو
البييييييييييييييب عنا عادة وهي خليتي اكسرلها الزميرررررررررة وفتحت زمووووووور صوتها وبدها زميرررررررة اكبر عجبك هيك؟؟؟؟؟؟؟؟؟؟؟
مشكووووووووورة للموضوع كتير زمورو عالي ولازم فعلا نخفف من التزمير لانو عم يصرعنا ولازم فقط نقتدي بزمور الواوي تبع الشرطة

يعني بدي افهم لشو خترعو الزموووووووووووووور مومشان نزمر
وكيف بدنا نفرح على الساكت لازم نزمررررررررررررررر
وبعدين مين الك بتطير الحجه هادا الكلمه اسوء من الزمامير
اني من جهتي مابعرف سيارتي فيها زمور ولا له لانو بعمري ماسمعت صوطو وبكره الزمامير بس مابزعل من الي بزمرو
تقبلي مروري

السلام عليكم........
وعلى قول الباشق راح أزمر معكم هنا باالموضوع ههههه
أنا أعلم أخترعوا الزمور لكي نزمو به أكيد مو لنتفرج عليه؟؟
بس قصدي بموضوعي الي كتبته وشفتوه شي من الناقص زايد؟؟
يعني هل باالضرورة نعمل كلشي باالزمور مشان نكون فرحانين وسعداء!!
انا كان بدي اطول موضوعي اكثر واكتب فيه عن الزمور والعجقة بجنب المدارس عند خروج البنات من مدارسهم والتزمير لهم بحق ودون حق؟؟
.......وشكرا لكل مين ساهم ورد برأيه
ولي حابب يزمر مرة تانية باالموضوع يتفضل ههههه هي الكلمة سرقتها من الباشق
..........وتقبلوا مروري ولي عودة